భారత్ సమాచార్, నంద్యాల జిల్లా: తెలుగుపేటలోని సుబ్రహ్మణ్యం అనే వ్యక్తి ఇంట్లో శనివారం అర్ధరాత్రి దొంగతనం జరిగింది. బీరువాలో బట్టలు, వస్తువులు చెల్లాచెదురుగా కనిపించడంతో చోరీ జరిగినట్లు ఇంటి యజమాని గుర్తించారు. సుమారు పావుకేజీ వెండి, బంగారం, ₹50,000 నగదు మాయం అయినట్టు సుబ్రహ్మణ్యం తెలిపారు. వన్‌టౌన్ పోలీసులను సమాచారం అందించగా, క్లూస్ టీమ్ వచ్చి విచారణ చేపట్టింది. బీరువా తాళం దొంగలకు ముందుగానే తెలిసినట్టు ఉండటం వల్ల, పరిచయస్తుల ప్రమేయం ఉందా? అన్న అనుమానం వ్యక్తమవుతోంది.